TALIBA

Sinapupunan ng Bayang Kayumanggi

Bantay ng bayan (taliba - guard; sentinel)

Lahing Kayumanggi

Humikayat ng kasapi; ipaglaban ang karapatan ng mga mamamayan ng Bayan Kayumanggi.

Aklat tungkol sa kasaysayan ng Bayang Kayumanggi

Mga gawa ng Lahi

Mga tugtugin ng Lahi

Mga gawa ng Lahi

TALIBA NG BAYANG KAYUMANGGI (TALIBA)

Isang Samahan ng mga mulat na mamamayan Kayumanggi.Mula sa iba't ibang Lipi o Tribu ng Lahi.Mamayang may pagmamahal at pagpapahalaga sa mga ipinaglaban ng mga Bayani ng Lahi.May pagnanasang bumuo ng nagkakaisang Diwa ng Lahi (ideolohiya),na siyang bibigkis sa watak-watak na mamamayan ng Bansang Kayumanggi.Samahan ng mga Taliba (bantay ng bayan) na iwinawaksi ang anumang bahid ng koloniyalismo sa Bayang Kayumanggi.Mga mamamayan ayaw matawag na "Filipino", "Pilipino" o "Pinoy".Mga pangalan halaw sa pangalan ng Hari ng Espanya.Naniniwalang lahat ng bahid ng pangaalipin ng mga mananakop na dayuhan ay dapat nang magwakas.Na ang lahat ng mamamayang kabilang sa mga iba't ibang Lipi o Tribu ng Lahi,na nasa higit na 7000 pulo ng Bansang Kayumanggi ay mga Maharlika at di dapat maging alipin ng mga dayuhan o naghaharing uri! Samahan na ang layunin ay pagbuklorin ang mga maharlika.

AWIT NG LAHING KAYUMANGGI

Sa lupain pinagpala
Sumibol ang isang maharlikang Lahi
Mula sa mga lipi ng Bayang Kayumanggi
Nananalaytay sa ugat ay Dugong Bayani

Amin ipinagmamalaki/ikinararangal na kami'y Kayumanggi
Dangal ang mapabilang sa kanilang uri
Sa banal na ngalan ng mga Ninuno at Bayani
Pangangalagaan ang Dangal ng Lahi

At handang ialay maging itong buhay,kung kinakailangan,sa bayan kong minamahal
Hinding hindi hahayaan kailan man na malugmok ang Inang Bayan!
At handang ialay maging itong buhay,kung kinakailangan,sa bayan kong minamahal
Hinding hindi lalamlam kailan man ang pagmamahal sa Inang Bayan!

PAMBANSANG BAYANI: RAJAH LAPU-LAPU (AMA NG MGA BAYANI NG LAHI)

ADHIKAIN: PAGKAISAHIN ANG LAHAT NG TRIBU O LIPI NA BUMUBUO NG MAHARLIKANG LAHING KAYUMANGGI,SA PAMAMAGITAN NG PAGHUBOG NG ISANG DIWA NG LAHI(IDEOLOHIYA),HALAW SA MGA ADHIKAIN NG MGA DAKILANG NINUNO AT BAYANI NG LAHI.DIWANG NAKAUGAT AT NAGMULA SA KALINANGAN AT MITHIIN NG LAHI.DIWANG NAKATUON SA KARAPATAN NG TAONG MABUHAY NA MALAYA, PAYAPA AT SAGANA.


SA LARANGAN NG PAGGAWA AT INDUSTRIYA/KALAKALAN:

Ang samahang TALIBA ay naniniwalang ang peyudalismong kalakaran sa Paggawa at Industriya/Kalakalan ay dapat ng mabago.

Itinataguyod ng samahan ang pag-alis ng relasyong "amo" at "manggagawa". Kung saan, ang magbibigay ng kapital (capitalist)ay itinuturing na "panginoon" at ang "nagbibigay ng galing-paggawa" o "tagagawa" (labor/worker) ay naituturing na alipin.

Panahon na na ang dalawang ito ay magturingang MAGKATUWANG at MAGKAPANTAY. Walang "amo" at walang "mababang manggagawa" (o "alipin").

Maliban sa iilang sektor na nagbibigay serbisyo katumbas ng pera (pagganap ng propesyon o okupasyon, atbp), ang mga sektor ng industriya na gumagamit ng galing-paggawa ay dapat mabago. Kung saan ang kita ay dapat mahati batay sa kontribusyon ng bawat isa (magbibigay puhunan, sa isang banda, at mga manggagawa, sa kabilang banda) sa kinitang/ ganansyang pera.

Panahon nang mabago ang pagtitinginan at turingan ng bawat isa (kapitalista at manggagawa) bilang magkatungali at pagkawala ng tiwala sa isa't isa (dulot ng sestema ng peyudalismong kalakaran umiiral).

Panahon na na ang "mamumuhunan" at ang mga magbibigay ng "husay at galing paggawa" ay bigyan natin ng pagkakataong magugnayan batay sa tiwala at paggalang sa karapatan ng bawat isa.

SA LARANGAN NG PAMAMAHALA NG BAYAN

Isinusulong ng TALIBA ang pagtatatag ng mga pamahalaang lokal(local government)na binubuo, sasakop at mamamahala sa bawat tribu (indigenous communities). Sarili nilang pamahalaan lokal na kanilang patatakbuhin batay sa kanilang kalinangan/kultura at interes na naaayon sa kabuuhan at pinagsamang adhikain ng Bansang Kayumanggi.

"LINGUNIN AT BALIKAN ANG PINAGMULAN UPANG MARATING ANG NAIS TUNGUHAN! TULAD NG PUNLA NG PUNO NA MAHUSAY NA NAKABAON ANG MGA UGAT, UPANG LUMAKING MALUSOG AT MATAYOG, AROGA AT KUPKOP NG INANG LUPA."-TALIBA

Mamamayan naniniwala sa mga sumusunod na adhikain:

* "ANG PAGBUWAG SA EMPERYALISMO,
SAMPU NG MGA TURO AT
PANINIWALANG NAG-UUGAT DITO NA HINDI MAKATAO."

* "PAGKAMIT NG TUNAY NA KALAYAAN!"

* "MAHALIN, PALAGANAPIN AT PAGYAMANIN ANG PILING PANGUNAHING WIKA."

* "PAGKILALA SA KARAPATAN NG MGA KATUTUBO SA MGA LUPAIN-NINUNO!"

* "IPAGLABAN ANG KARAPATAN NG MGA KATUTUBO NA MAGKAROON NG SARILING PAGKAKAKILANLAN AT SARILING PAGPAPASYA!"

* "IGALANG ANG KARAPATANG-PANTAO NG LAHAT!"

*"PANTAY NA KATARUNGAN SA LAHAT!"

Nais makadaupang palad ang mga Maharlika mula sa iba't ibang Lipi o Tribu ng Lahing Kayumanggi.Mga nagmamahal sa Bayang Kayumanggi, hangad ang pagbuo ng nagkakaisang Diwa ng Lahi (ideolohiya) at nagaasam ng tunay na pagbabago. Sinumang nais makadaupang palad ang Samahan.

KANINO KA NAGLILINGKOD,KAIBIGAN? SA BUONG SAMBAYANAN O SA IILAN LAMANG? SURIIN ANG BUDHI!!!