Plaridel Elem. School, St. Joseph High School, NWU

Adu a Klase

Adu...

Adu..

No ania't kayatko, isu...

Tay kanayonko a buyaen...

Tay kanayon a mangngegan

Tay kanayon a buyaen...

Scorpio

simple, kasta man...

asino man...basta nangisit ti sikona.

kastoy man ti kunak:

Nangisit ta Sikom? Sumrekka!


Ni Rudy Ram. Rumbaoa


ne, nangisit ta sikom
ay ket, sumrekka!
sikat' ur-urayen tallaong
a kasapulanna.

padapada, awan kurangna
maymaysa't puli a nagapuanna,
siak, sika, isuda, datayo
Filipino ti daratayo.

kunak, sumrekka kabsat
iti abong-abong a naisangrat;
intay' ket ipasindayag
panagkaykaysa ken ayat.

dimo ibain no nangisit ta sikom
ta iladawam ti pudno a kina-ilukanom,
adda kad' makuna a diperensiam
pagasasao't sabali a dimo maawatan?

daytoy ti kunak a pakaidayawan
uray nangisit siko, nalasbang;
nataer pay ken malalaki
ammona a takderan ti kari.

no idasig, datayo ti kalaingan
iti sabali a puli datayo ti mangmangngegan;
no trabaho saantayo met a maudi
nagaget, naanus ammotayot' agserbi.

ala sumrekka, no nangisit ta sikom
dumagaska iti bukod a tallaong,
ditoy ti pudno a pagguummongan
pakasarakan ken ni Filipino a pagulidanan.
____________

Dagiti Tugot Iti Kadaratan

Ni Rudy Ram. Rumbaoa


Iti maysa a rabii a natagtagainepko
Magmagnaak iti kadaratan a kaduak ti Dios,
Mabuyak iti tangatang dagiti naglasatak ti biag:
Iti maysa, makitak dagiti dua a paris dagiti tugotko
Ken ti sabali a paris- isu ti tugot ti Dios.

Idi maipakita ti maudi a buya,
Mariribukanak unay ta maymaysa laeng
Ti sangaparis a tugot iti kadaratan;
Diak maawatan dagiti pasamak,
Iti kadaksanggasatan ken kalilidayan
A paset ti panagbiagko;
Maymaysan a paris dagiti tugot iti kadaratan.

Sinaludsodko ngarud iti Namarsua:
"Diosko, kunam nga apaman a makadesionak a sumurot kenka,
Atibayennak agingga iti panungpalan ngem nadlawko
A kabayatan dagiti karirigatan a paset
Ti panagdaliasatko iti biag,
Sangaparis laengen dagiti tugot.
Saanko a maawatan no apay a no kasapulanka unay,
Isu met iti panangbaybay-am kaniak..."

Sinungbatannak ti Dios:
"Napateg nga Anakko, ay-ayatenka,
Ni kaano man saankanto a baybay-an.
Kabayatan dagiti panawen a panagrigat ken panagsagabam
Makitam a sangaparis laeng dagiti tugot iti kadaratan
Agsipud ta idi nagrigat ken nagsagabaka, sinakroyka,
Dagiti tugot a makitam iti kadaratan, isu ti tugotko...!"


Immuna a naipablaak iti:
Iluko.com
Samiweng ken Ayat ni Rudy
_____________________________________

To know more about me, visit my main web link: www.samiwengkenayatnirudy.blogspot.com or dagitikappurosadamdamagitihawaii.blogspot.com/filamobserverarticles.blogspot.com/wwwtaraontibiag.blogspot.com

Pasiaren pay dagitoy:
My FaceBook
My Imeem
My Perfspot
My Hi5
My Tagged
My YearBook
My Life
Stumble Upon
Flixster
Tubely
Yahoo
___________
Rudy Rumbaoa

Create Your Badge