AnaStAciO cRuZ
diSiOtSo aNyOs
iT's cOMpLiCaTeD :)

Isang kaluluwang ligaw na namumuhay sa mapaglarong mundo. Mundo, na ang bawat hakbang ay may kaakibat na malikot na kapalaran. Binubusisi ang likas na mga bagay sa kanyang guni-guni. Walang habas na tumutuklas at nangangarap. Sinasabayan ang mabilis na daloy ng pagbabago. Dahan-dahang kinikilala ang kanyang sarili. Larawan ng isang uhaw sa kamunduhan. Isang munting nilalang na may makababalaghang hinaharap. At sa darating na araw ng kanyang bukas, buong tapang nyang haharapin ito at dagling mamumukadkad.

Isang buhay na nakalaan sa panitikan. Taglay ang dugong binukalan ng panulat at diwang ipinamana ng nasirang Balagtas. Binubuhay ang diwa ng Panulaan. Kinilala sa altar ng sining sa kanyang mga natatanging akda. Larawan ng makabagong manunulat ng kasalukuyang henerasyon. Hindi inagos ng matuling pagbabago at nanatiling pulidong Pilipino. Kinakalantari ang wika at lalim ng kasaysayan sa kanyang paglalakbay sa daigdig ng kapalaran.

Ginugugol ang sandali ng kanyang katuturan sa pagsilip sa mapaglarong mundo. Bukas ang damdamin upang sabayan ang galaw ng lahat ng bagay at lasahan ang lahat ng malalasahan. Takbuhin ang dapat takbuhin at lakarin ang dapat lakarin. May pusong madaling magmahal. Marahil, may puso ring madaling mahalin. Isang pusong walang pakialam sa salitang kabiguan. Isang pusong likas na mapag-tiis at hindi marunong masaktan. Damdaming madaling umunawa at madaling unawain. Damdaming nakalaan sa nag-iisang itinitibok nito.

Isang larawan ng matibay at mapagnasang pagkatao. Matayog na mithiin tungo sa rurok ng tagumpay. Patuloy na nangangarap sa paglipas ng panahon. At marahil, darating ang sandaling ganap na magbubunyi sa kanyang tinamasa. Pangarap na kanyang pinagtibay at pinaghirapang abutin. Pangarap marahil ng lahat ng tao. Kuminang, mamukadkad, lumipad, lumutang, umibabaw, at magdiwang.. Ang Poong Maykapal, ang kanyang pamilya, mga kaibigan, at kayong lahat, ay kasama sa pangarap niyang ito.

Siya'y sumasainyo hanggang sa wakas ng buhay na hiram. At sa kanyang pamumukadkad, kasama niya tayong nanamnamin ang hiwaga ng mundo. Pangarapin natin ang ating mga pangarap. Dahil ang pangarap, ay mananatiling pangarap na lang, kung hindi natin papangaraping matupad.

isang nilalang na kayang tanggapin kung ano ang kanyang pagkatao.. isang nilalang na kayang panindigan ang kanyang salita.. isang nilalang na may direksyong pupuntahan.. isang nilalang na salungat sa kanyang mga katangian.. isang nilalang na magpapasaya sa kanyang malungkot na mundo.. isang nilalang na handang pantayan ang kaya niyang ibigay.. isang nilalang na hindi kukurap sa mga sandaling nilalandas nila ang masaganang panaginip ng buhay.. isang nilalang na para sa kanya..